Thursday, October 25, 2007

مش نهاية

ومش نهاية حياتى
ولا علامة مماتى
وكلمة نهاية
وقصة وانتهت
****
لسة السطور جاية
والصفحات مخبية
وقصص كتير ما ابتدت
****
لا ف يوم هاسلم لحزن
ولا جرح ولا انهزام
****
وكل يوم بألم
عـــــــــــادى
بكرة تروح الآلام
****
وجروحى مهما نزفت
هيقف نزفها
علشان لسة باقى
..والقصة ما انتهت

Saturday, October 13, 2007

الليله عيد وانت بعيد.........


الليله عيد
بيقولوا عيد

بس قلبى بيه ما بيحس

***

وانت بعيد

بعد العمر عنى بعيد

ازاى يكون عيد بس

***

لو يسألونى

هأقول العيد كان يوم

كنت فيه انا وانت وبس

***

بس النهاردة العيد

زيه زى امبارح

ملوش حس

***

بيقولوا عيد

ازاى يكون عيد

وانت عنى بعيد بس

Friday, September 7, 2007

أحببتك





اخنقنى، دمرنى، اقتلنى
افعل بى ما شئت

ما ذنبك أنى أحببتك
ما ذنبك أنى أحببت


إنه فعلى بنفسى
و ما أنت على جنيت

كسرنى، حطمنى، أو اتركنى
ما الفارق ؟
فذنبى أنى أحببت

أحببتك منذ عرف الكون نور الشمس
أحببتك منذ عرف الناس طعم الحب
أحببتك منذ الأزل
و سأحبك إلى الأبد

أحبنى، أو لا تفعل
لا يهم
فذنبى أنى أحببت

اغفر لى أو لا تفعل
لا يهم
فما أنت على جنيت

سأظل أحبك وأحبك
ويضيع العمر فى حبك

قد تأتى لى يوما
و قد ترحل عنى عمرا

و يظل الذنب فى عنقى
و علامة محفورة فى وجهى

فذنبى أنى أحببتك
ذنبى أنى أحببت

Sunday, August 12, 2007

تجارب وما الحياة الا تجارب

من كام يوم كده قررت احترم نفسي بقى واحس انى طالبة طب بجد و قررت انزل المستشفى اتعامل مع حالات حقيقيه بعيد شويه عن الحالات المحترفة اللى ف الكلية
بجد التجربة جميله جدا ندمت اليوم كتير انى مرحتش من زمان وحاسة انى ضيعت كتير ف التردد انى اعمل الخطوة دي
بس بجد احلى حاجة انك تلاقى الدكاترة الكبار مهتمين انهم يفهموك الحالات ويعرفوك ايه المهم بالنسبة لك كاندر جراديويت
غير كده بجد كتير كسرت الرهبه اللى جوايا من التعامل مع المرضى او مع الناس واحساسك بالمسئوليه من الوضع والموقف اللى انت فيه
المشكلة بتبقى اكتر ف دكاترة الامتياز والنواب يمكن مش كلهم يببقى عندهم نفس الاهتمام انهم يتعاملوا معاك او يفهموك
بس اللى لاحظته بجد ان اكتر الدكاترة اللى تعاملهم معانا احنا بيبقى بالقطارة وبنطلع منهم الكلام بالعافيه هم خريجى المنصورة
تعاملهم بجد غتت ومستفز وكرهنى شويه انى اقف معاهم بس بصراحه بقيت باطنش اسلوبهم واغتت ف الاسئله لما اوصل لاجابة
نفسي اعرف بجد ايه اللى يفرق طلبة كليه عن التانيه لما ييجوا يتعاملوا مع زمايلهم او مع الناس
ده احنا طلبة القاهرة على راي واحدة زميلتى الواحد فينا مبيصدق يبقى عارف معلومه بيبقى عاوز يقف على جبل ويذيعها
يا طلبة المنصورة احنا زيكم بالضبط ولينا حق ف نفس الاحترام ومع احترامى لنظام كل كلية نظام الدراسة عندكم بقى اسهل كتير مننا و احسن بالذات في التلات سنين الكلينيكال اللى احنا بجد بننطحن فيهم وبناخد معلوماتنا فيهم بالدروس والمجهود الذاتى علشان نظامنا بيدي وقت ضيق اوى للدراسة ف الكلية
وف الاول والاخر لنا الله كلنا

Saturday, August 11, 2007

أخيراااااااااااااااااا

أخيرا ربنا سهلها الحمد لله والامتحانات خلصت والنتيجة وتوترها خلص كمان وكملت ان اخيرا النت عاد الى بيتنا بعد طول غياب
وحشنى اوى انى اكتب ووحشنى اكتر انى اقرا حاجه تانيه غير كتب الدراسة
اول مرة احس انى تعبانه بجد اول مرة اكتشف قد ايه الكتابة كانت بتريحنى وبتخرج انفعالاتى
اكتشفت ان اكبر مشكله بالحياة بجد انك تفكر وتفكروتفكر من غير ما تفكيرك ده يخرج بأى صورة
كنت حاسة ان دماغى هينفجر من القلق والتفكير ورغم كده كنت عاجزة تماما عن كتابة اى حاجة
مكنتش قادرة ان تفكيري يخرج باى صورة لا كلام ولا كتابة
بس هو ايه الاحسن ان الانسان يتكلم مع غيره ويفضفض لحد تانى ولا يتكلم مع نفسه مع كتابته ايا كانت
ايه اللى يريح بجد
مش عارفة

يقولون أعيش



يالشوقى لك
يا حبيبة

يالضياعي دونك
في دنيا غريبة

لماذا ذهبتِ وتركتني
تقيدني السلاسل
والأمانىّ القريبة

انظري ما بجسمي
من جروح لا تندمل
يالعمري الذي ضاع
دونك يا طبيبة

خلف أسوار سجوني
يقولون أنى أعيش

بيدي السوار
وبقدمي الأغلال
تقيدني إلى الجدران

وفوق زندي
الهموم تعيش

أمام أسوار سجني
بنادق وطلقات
وقوات أمنية
تعيش في الطرقات

أمام الأسوار
أشياء عجيبة
وكائنات غريبة

تعيش على دمي
وتريحها
منــــــــــــــي
صرخات الآهات

يقولون أعيش
يحفظون لي حياتي
يخشون علي الممات

فبدوني
لن يجدوا مطعماً
ولن تنعش آذانهم
الصرخـــــــــات

خلف أسواري
يقولون أنى أعيش

رغم أنى لا أدري
أحياة هي
أم هو الممات

ساجني يقف
بالبـــــــــــــاب

بيده الســـوط
ويريــــــحه
أن يكيل لي السباب


تفتح شهيته
دمــــــــــــائي
ويطـــــرب
من أنات العذاب

وفوق أنقاضي
يقــــــــــــــــــــف

يرجــــــــــو
أن في يوم
يملك السحاب...



21st,December,2005

Back again-مش هارد عليكى



كلميني ف أي وقت
بس مش هأرد عليكي

علشان خلاص راح اللي كان
و معدش قلبي بيناديكى

إنسي اللي راح بقى
وإرجعي تاني لماضيكي

إنسي الكلام والسلام
معدش فيه فايدة ليكي

معدش ينفع تكوني لي
ولا عدش ينفع أكون ليكي

بجرحك، أيوة، كمان بأصدمك
وبأقتلك برفضي ليكي

فوقى خلاص وإنسي أحلامك
وأوهامك اللي سارحة بيكى

فوقى خلاص وإنسي اللي كان
أنا مش هأرد عليكي...........


6th,April,2007