RSS Feed (xml)
الليله عيد
بيقولوا عيد
بيقولوا عيد
بس قلبى بيه ما بيحس
***
وانت بعيد
بعد العمر عنى بعيد
ازاى يكون عيد بس
***
لو يسألونى
هأقول العيد كان يوم
كنت فيه انا وانت وبس
***
بس النهاردة العيد
زيه زى امبارح
ملوش حس
***
بيقولوا عيد
ازاى يكون عيد
وانت عنى بعيد بس
16 comments:
حاله حقيقة جدا
انا اتفق معك
لانى معتقد ان العيد
بمن يقضوا معنا العيد
تحياتى وكل سنة وانتى طيبه
فى زيارتى للمعبد المهدوم
الركام متكاثر
قدمى تختل عندما أصعد فوق أحجاره التى كانت مقدسة يوما
أتسائل
أين زواره ليونى أحل محل معبوداتهم
أين هم ليروا كيف صنعوا أكاذيبهم
كم حاربوا وقتلوا ودفعوا من أموالهم وسعادتهم شراء لرضاء تلك الألهة
ثم أتعثر على وجهى
هل لعنة أصابتنى ..؟
أقوم وأقف على أقدامى وأضعها على رأس التمثال
ثم أقول لنفسى أين سأبيت الليلة وترى ماذا سأكل على العشاء؟؟
فاهمة حاجة؟؟
لا تسكنى فى ذلك المحراب الذى تمنيتيه ولم تناليه
ولكن أبنى غيره وتحققى جيدا من أسطورته قبل أن تصدقيها وتسكنى فيها
الصدق ليس الكلام
ولكنه نظرة العين... صدقينى
اد ايه بجد هي رقيقة
وبسيطة
وجميلة
تسلم ايدك
لا ادري ما سبب نظرة الحزن والتشائم الواضحة في كلامك عزيزتي
العيد عيد
وما هو العيد
هو اليوم الذي أومرنا أن نخلع لباس الكآبة والحزن والياس ونرتدي زي السعادة والامل والتفائل
ليست يا عزيزتي الحياة كما صورتيها
الحياة حلوة بقلوبنا
بائسة بقلوبنا ايضا
اتمني ان تكوني تفهميني
بسيطة قوي قوي وجميلة قوي
رغم انها قصيرة عرفتي تسيطري عليها صح
والنهاية كمان قوية جدا
ياتري ايه العلاقة اللي بين الطب والادب؟؟
يعني ليه معظم الدكاترة حساسين قوي
كدة..؟؟
العيد مش بلمة الناس و الله
العيد بالفرحة اللى بنخلقها بنفسينا
ربنا يعينك
و يفرح قلبك
تحياتى
آه
العيد المرة دي أنا كنت في البيت ولما نزلت تالت يوم أشوف الدنيا اتخنقت من الناس وكمية الخداع اللي باين على وجوههم وكمان التزييف في الملابس والضمائر والقرف اللي مالي الشوارع
رجعت تاني البيت
كل سنة وحضرتك طيبة
وِشكراً على الزيارة والكلام الجميل ده واللي أتفق فيه معك في كل حرف ولا أزيد عليه لأنه ببساطة المختصر المفيد
تحياتي
بجد بجد
رووووووووووووووووعه
و نتمنالك الاستمرار
حقيقي إزاي يكون عيد و في حاجات كتيييير بالبعد دا
ربنا .... يارب و خلاص
حقيقي نورتيني
سلامي
عزيزتى
اكيد وجود الحبيب اساسا علشان تكمل فرحه العيد
بس لازم نتعلم ان الحب اللى جوانا واللى بناخده من ناس ميتوقفش بغياب شخص مهما كان
لان فى ناس كتير حولينا تستحق اننا نفرح بوجودهم جنبنا ونحس معاهم بطعم العيد
الكلام جميل اوى بس العيد جميل برضوا ويستحق كلام جميل عليه
تحياتى يا افندم
سلاااام
كل سنة وانتي طيبة...أسفة على التأخير
بس انتي ليكي عندي مفاجأة في البلوج...روحي شوفيها :)
حاولي تستمعتي بالعيد وايامك وحياتك كلها ...سيبك من اللي يبعد وحاولي تشوفي مين جنبك واستمتعي معاهم
متعيشيش في الماضي...الحياة لسة قدامك فاتحة ذراعها ليكي يا دوك
:)
ليكي وحشة كبيرة أوي
نوني
سلام عليكم
ولا أسلم سلام دكاترة
فروم ميديال تو لاترل
جميلة فعلا
ووصلت الفكرة بسهولة وسلاسة
عجبني المقطع الرئيسي
جدنننننننننننن
لأن الدنيا بالناس
مش بالأحداث
ربنا يوفقك يادوك وعيد سعيد
تحياتي
حورس
ــــ
هى دى المشكله لو مفيش جنبك حد بتحبه العيد حلاوته بتروح
وانت كمان باتلف صحه وسلامة وكتابات جريئة
arabic ID
ــــــ
والله مش حكايه محراب وحاله باسجن نفسي فيها
بس يمكن الاحساس اصعب من انك تتجاهله
بس دايما هيعدى باذن الله
شرفتنى بجد واسعدنى كلامك جدااا
أحمد سلامة
ــــ
زيارتك دايما بتسعدنى
وشكرا على كلامك بجد
أحمد العربى
ـــــ
أكيد الحياة بؤسها وحلوها احنا اللى بنعمله
بس احنا مبنصنعش ظروفنا
صحيح بنقدر بعون الله نتغلب عليها
بس بتاخد وقت شويه
كمان حاجه يمكن التشاؤم والحزن هو اللى بيخرج منى اى كلام
أفكارى الحزينه والامى ف بعض الاحيان
بس اكيد مش ده كل اللى باعيشه الحمد لله
أحمد عيسى
ــــــ
ربنا يكرمك بجد ع المجامله الرقيقه دى
الحمد لله انها عجبتك
انا كمان مش عارفه ايه العلاقه بس لازم حد يعمل دراسه ف الموضوع ده
يمكن علشان الدراسة والشغل جاد أوى فبندور على جزء نعيش فيه آدميتنا
جايز
إيمان الطاهر
ــــــ
أكيد العيد بفرحتنا احنا
بس العيد من غير ناس حواليكى تفرحى معاهم ميبقاش عيد
العيد اهلنا واخواتنا وقرايبنا وحبايبنا
ربنا يكرمك ويوفقك ويسعدك دايما يا رب
الأستاذ
ـــــ
شكرا على مجاملتك بجد
بس الزيف والخداع بقى ف كل وقت وكل مكان
بقى بيفسد علينا ابسط افراحنا او اهمها
ربنا يسعد ايامك يا رب ويعيد عليك رمضان والاعياد بالف خير
domalays
ــــــ
شكرا على مجاملتك بجد
شرفتنى ويا رب متكونش اخر مرة
m.r
ــــ
ربنا يجمع الاحبه على طاعته يا رب
ويعيد علينا الاعياد بالخير
ويا رب رمضان والعيد السنه الجايه يكون افضل ان شاء الله
احساس لسه حى
ـــــــ
ممكن خنا اتأسف ان كلامى كان كئيب انه يتكتب ف العيد
وأكيد ان ليك حق ان فيه ناس كتير الفرحه بتكمل بيها
بس وقت ما بتكون لوحدك فيه شخص عزيز عليك بتفتكر فراقه
ساعتها بيضيع منك طعم حاجات كتير
nooony
ـــــ
وانتى كمان ليكى وحشة والله
ان شاء الله هاحاول
انا اكيد موافقاكى ف كل الكلام ده بس كل حاجه بتاخد وقتها
halawa
ــــ
لا بلاش سلام الدكاترة بالذات بالباطنه دلوقتى هيبقى السلام ناقل للعدوى
عدوى الباطنه طبعا
ربنا يعديها على خير ياااااااااااااااا رب
شرقتنى ويا رب متكونش اخر مرة
باى حال عدت يا عيد ..
كل سنة و انتى طيبة و لونها متاخرة اوى
تحياتى
Post a Comment