RSS Feed (xml)
من كام يوم كده قررت احترم نفسي بقى واحس انى طالبة طب بجد و قررت انزل المستشفى اتعامل مع حالات حقيقيه بعيد شويه عن الحالات المحترفة اللى ف الكلية
بجد التجربة جميله جدا ندمت اليوم كتير انى مرحتش من زمان وحاسة انى ضيعت كتير ف التردد انى اعمل الخطوة دي
بس بجد احلى حاجة انك تلاقى الدكاترة الكبار مهتمين انهم يفهموك الحالات ويعرفوك ايه المهم بالنسبة لك كاندر جراديويت
غير كده بجد كتير كسرت الرهبه اللى جوايا من التعامل مع المرضى او مع الناس واحساسك بالمسئوليه من الوضع والموقف اللى انت فيه
المشكلة بتبقى اكتر ف دكاترة الامتياز والنواب يمكن مش كلهم يببقى عندهم نفس الاهتمام انهم يتعاملوا معاك او يفهموك
بس اللى لاحظته بجد ان اكتر الدكاترة اللى تعاملهم معانا احنا بيبقى بالقطارة وبنطلع منهم الكلام بالعافيه هم خريجى المنصورة
تعاملهم بجد غتت ومستفز وكرهنى شويه انى اقف معاهم بس بصراحه بقيت باطنش اسلوبهم واغتت ف الاسئله لما اوصل لاجابة
نفسي اعرف بجد ايه اللى يفرق طلبة كليه عن التانيه لما ييجوا يتعاملوا مع زمايلهم او مع الناس
ده احنا طلبة القاهرة على راي واحدة زميلتى الواحد فينا مبيصدق يبقى عارف معلومه بيبقى عاوز يقف على جبل ويذيعها
يا طلبة المنصورة احنا زيكم بالضبط ولينا حق ف نفس الاحترام ومع احترامى لنظام كل كلية نظام الدراسة عندكم بقى اسهل كتير مننا و احسن بالذات في التلات سنين الكلينيكال اللى احنا بجد بننطحن فيهم وبناخد معلوماتنا فيهم بالدروس والمجهود الذاتى علشان نظامنا بيدي وقت ضيق اوى للدراسة ف الكلية
وف الاول والاخر لنا الله كلنا
10 comments:
hahahhahaha
yes wlahy l2 dh mkman btfr2 lkama netkhra w teb2y ray7a el 2asr mathlan w sadektek elly konto m3 b3d matrdash tw2fek ganbaha....7aga tshell...
blnsba le el sh3r gamed awyyyy ya diamond wlahy....
begad soo happy u r back w isa 3latol m3ana b2a :)
لا متقوليش كده يا دكتورة حتى لو اضطررتي أن تحاربي طواحين الهواء
عموما ربنا يكرمك ويصلح حالك يا رب
تحياتي لك من كايرو البلد وكل 25 سنة وانتم طيبين
ونفسنا نشوفك يا دكتورة
سلامي لكل أهل دمياط
تحياتي لك من كايرو البلد
great enek akhdty el khatwa de .. el 7ayah el 3mlya mohma awy bardo w kol ma tbtdy feha early ykon a7san ...
w matdy2eesh nafsek w khaliki wara el ma3loma w law mn bo2 el asad ;)
great enek akhdty el khatwa de .. el 7ayah el 3mlya mohma awy bardo w kol ma tbtdy feha early ykon a7san ...
w matdy2eesh nafsek w khaliki wara el ma3loma w law mn bo2 el asad ;)
عزيزتى
بلاش تعممى شئ فى حياتك بالطريقه دى
ومش معنى انك قبلتى مثل او عشره حتى من جهه معينه تحكمى على الجهه دى بشئ
كل مكان فيه الكويس والوحش الغلس والخدوم
ولا ينفع نحكم عليكى بناس حوليكى
تحياتى
سلاام
انت فين يا دكتورة قولي كلام غير ده يللا وارجعي اكتبي زي زمان وفرحينا
عموما تحياتي لك من ماناساس البلد وفاكرك يا ناسيني
انا قضيت سنتين في طب اسيوط واتنين في عين شمس وواحده في بنها وست ساعات في المنصورة
:)
لا لا
الست ساعات دول كانو زيارة مش تحويل
بنا يعينك
بس مفيش احلى من القصر بردو
على الاقل الحالات كفاية جدا
ربنا يوفقك
سلامي
السلام عليكي
ربنا يوفقك يا دكتور
و على فكره
صوابعنا مش زي بعضها
و كل حته فيها الكويس و الوحش
ربنا يوفقك
زيزي
ارتعاشات
ــــــــــــــــ
والله ادينا بنشوف ف الدنيا حاجات عجيبه واللى يعيش ياما يشوف
وربنا يكرمك على مجاملتك
جروووووووووم
ــــــــــــــــــــــ
منورنى والله
ان شاء الله ربنا يصبرنا ع الللى بنشوفه بس الواحد بيتكلم بس من غلبه
واهل دمياط كمان كلهم بيسلموا عليك
بطوط
ـــــــــ
اكيد الحياة العملية جو تانى علشان الدراسة علشان كده الواحد حب يتصدم بدري بدري
ههههههههه
احساس لسه حى
ـــــــــــــ
شطرا على تشريفك مدونتى
بس انا محكمتش عن تجربة شخصيه وبس زي ما انت متخيل ولا من تعاملى مع انسان واحد
ومش انا بس كمان اللى بقول كده
اختى نفسها هتتخرج من جامعه المنصورة وبتستحلف لاى حد يقع تحت سلطتها من دلوقتى
هههههههه
يلا ربنا يهون
أحمد سلامة
ـــــــــــــــــــ
يعنى والله القصر له مميزاته وله عيوبه بردة
والمشكله ان نظام التعليم عندنا ف القصربقه صعب وظالم للطالب قوى
ربنا يوفقنا جميعا يا رب
meekness
ــــــــــــــــــــــ
اكيد كل مكان فيه الكويس والوحش بس انا كنت باتكلم عن التجربه اللى عشتها مش قصدى غير كده
الف سلام ليكى
Post a Comment