RSS Feed (xml)
هل فعلا احنا شباب تافه؟
ولا احنا بس شباب تايه؟
هل معدش لينا هدف؟
ولا بس احنا معدش عندنا أمل؟
هل فقدنا روحنا وحماسنا؟
ولا اليأس اتملك مننا؟؟
ساعات لما بافكر بألاقينى بأفكر في حاجات ناس بتقول عليها هيافة
بأفكر زي غيري في الممثلين والمغنيين,, في الأغانى والأفلام ,, في ماتشات الكورة و ستار أكاديمي.
وساعات تانية بيروح فكرى على التعليم وإزاى يكون أحسن , وأقعد أحط خطط وأنظمة أصلح بيها طريقة التعليم بالذات في كليتى
أو أفكر في كلام يتقال للدكاترة عندنا علشان يقتنعوا اننا بنى آدميين مش حيوانات غبية
وساعات بأفكر في السياسة وايه اللى ممكن يحصل لو الشباب دخلوا الحياة السياسية بجد-فيه مننا شباب ليهم آراء ممكن تصلح بجد
وساعتها بأفكر طيب ليه انا مش مشتركة فى أى حزب أو جماعة سياسية او فكرية
وأرد على نفسي وأقول البهدلة اللى بيشوفها كل اصحاب الآراء في مصر كفاية انها تردنى
والمشكلة الحقيقية في البهدلة اللى هأسببها لأهلى
يمكن ساعات الواحد بيحس ان حياته أرخص من انه يحافظ عليها , بس اهله أهم من كل آراء الدنيا
مش عارفة أنا صح واحنا عموما صح ولا غلط
بس يا ريت كل اللي يدخل المدونة يقول رأيه , يقول هو بيفكر إزاى , وإزاى شايف الشباب حواليه , وهو بيفكر إزاى؟؟؟
خلينا نعمل الموضوع ده حوار نتلاقى فيه
4 comments:
بصي ياستي, احنا مش شباب تافه رغم ان في مننا كتير تافه, لكن برضو في مننا كتير دماغهم حلوه وعندهم أفكار أكتر من رائعه ومش عاجبهم اللي بيحصل في بلدناونفسهم يغيروها للأحسن وياريت يقدرو.
sa3at keteer bafakar fel mawdo3 da fe3lan....!!
we mesh bawsal le egaba akida...la2nny ba7es en kol kol el anwa3 mawgoda;
fih el tafeh begad,..we fih elly lih ro2ya fel 7ayah,..we fih nas zaherha tafeh bas fel 7a2i2a dema3'hom kowayessa,...we fy mo7bateen men el zorof we 7assen en mafish fayda enak tekon lik ro2ya we hadaf kolo me7asal ba3do,...etc.
fy anwa3 keteer,...we bema eny mat3amletesh ma3 kol shabab el balad,...fa ma2darsh a2ol el 3'alebeya 3amla ezay,...3ashan bas akon dakika.....!!!
bas fy aw2at lama akon fy mawkef malyan shabab mo7tarameen we dema3'hom kowayessa,...a2ol la2 fih amal,..e7na be 7'er.
we men el na7ya el tanya lama ashof mawkef malyan shabab hayef we malhomsh fy 7aga 7'ales,...yegely e7bat we a7es en mafish amal 7'ales we en el nas fel daya3....!!!
bas ana sha7'seyan ba7es en el nas ehtemamat-ha fy edme7lal,..we sa3b ala2y sha7'seya liha ehtemamat begad mo7tarama we moshtaraka...momken mawgodeen bas el ensan mesh beye7'tar dayman 7ay2abel meen..!!
again: mawdo3 mohem we akeed fy dema3' keteer menena...!
الصراحة أجدنا دائما من أكثر الناس حظوظا بالنسبة لأجيال قديمة قبلنا
احنا جيل توفر له جميع المؤهلات انه يحمل
رسالة و أي رسالة في وقت عاش ناس و ماتوا و هم منتظرين حمل رسالة و الانطلاق بها
من حال خربان و عايز يتصلح لحال كويس عايز يتخرب
من توفر رهيب لمعلومات في كل مجال نتمنى اقتحامه و سهولة عرض المعلومة اللي بنعوزها
للتواصل الرهيب اللي ربط البشر من كل مكان و في كل وقت و تعرضنا لعدد من الثقافات و الأفكار كبير من أقصى اليمين لأقصى اليسار كان لنا مطلق الحرية للتعاطى مع اي منها
سهولة كبيرة نسبيا في الخروج عن النص المكتوب علينا و حيل كتيرة لعرض رسالتنا
على فكرة الشباب التافه ده يحمل رسالة في زماننا هذا
منهج كامل و معقد من التفاهة بيتزع بين أدمغة البشر و بينتشر بوسائل كتيرة
ابقى بضحك على نفسي لو انكر النجاح الساحق للتفاهة في مواجهة النقيض لها و ان السبب ان حاملى رسالة التفاهة عرفوا يسوقوا كويس لبضاعتهم
علشان كده باحترم جدا عقلية التافه اللي فاهم هو تافه ازاى و عارف يتفه غيره ازاى. طبعا هو بيقع في اخطاء مهولة لان رسالته غلط لكن تأثيره برضه كبير
موضوع الواحد بيفكر ازاي ده بيرجع لحاجات كتير
هل عندى العقيدة و المنهج اللي ينفعوا يكونوا قاعدة لانطلاق مخى علشان يفكر كويس
هل سعيت علشان انمى خبرات كتيرة مهمة علشان اعرف افكر صح
هل تعرضت لاحتكاك مباشر مع الغير في موضوعات تهمنى علشان أفهم ازاي افكر في رأيي و اختلافه مع رأي الغير
الزمن اللي احنا فيه بيوفرلك ألاف الأنواع من العقائد و الخبرات و الاحتكاكات علشان تقدري تفكري
من الذكاء و حسن التوقع و الظروف انك تختارى العقيدة الصح و الاتجاه الصح و السعى للمكان الصح
واكيد استمرار تنمية الجهات دي هيوفرلك وسائل كتيرة توصلى بيها احلامك و امالك بطرق تخففى بيها الأضرار اللي انت شايفاها بتعوقك عن الطريق اللي بتتمنيه
------------------------
جربت اقرأ الكلام اللي لسة كاتبه فوق قبل ما ارسله ماعرفتش افهمه
:D
فربنا يكون في عونك
على فكرة حلو قوي اننا نطرح موضوع نتكلم فيه عشان نكتشف كل واحد يكتشف ان اللي شاغله مش شاغله هو لوحده
أنا جواي نفس الحيرة اللي انت فيها و يمكن حسيتها أكتر لما اتـخطفت فجأة من وسط جو الصحاب و اللسعان و الكلية و العيلة وروحت قعد في بلد عربية مع امي و أبويا.. لقيت نفسي في موقف بيتحكم عليّ فيه على أساس دماغي.. ورغم اني كنت فاكرة نفسي تافهه زي النماذج اللي بتقولي عليها بس لقيت اني طلع مني كتير
اللي قصدي أقوله اننا مش تافهين لكن الجو اللي حولينا سايقنا و مع الأسف احنا ضعاف والضعف هو اللي دارى الدماغ المحترمة جوانا و حبسها و خلانا نستسلم للكلام الفاضي .. ماقصدش بـ (محترمة) يعني أخلاقياَ.. لأ أقصد فكريا
كتير قوي مننا زي ما قلتي يعد مع نفسه و يجيب أفكار روعة .. بس فجأة ينفّض لها كلها و يقوم يكلم واحد صاحبه و لا يمسك الموبايل يسمع رنات جديدة نزلها امبارح
هنا بقى الضعف.. و ممكن تقولي تعود على الفضى و السهولة
ماهو الجو حولينا كده
طب فكّري احنا اتعلمنا ازاي؟؟
في الكلية تعالي ذاكري في آخر شهر الكام مذكرةاللي نازلين المكتبات وامتحني و انجحي و خلصت خلاص.. طيب ما إحنا كده طالعين بأدغة فاضية..ما اتعلمناش ندخل مكتبات و نقرى و نشتري بمصروفنا كتب ثقافية بحب بدل ما نصرفه على رنات موبايل و لاّ اكسسوارات
فيه حاجات كتير ماتعلمنهاش و ده عودنا على الاستسهال.. ده غير عالم الدش و الاغاني و الموبايل و الكليبات و دنيا الممثلين و المغنيين و هوسنا بيهم .. أنا مش ضد كل ده.. لكن بنسب
لكن اللي حاصل ان حياتناانها اتملت بالحاجات دهومافيش وقت لغيرها..
لكن أنا متفاءلة جدا من اللي شايفاه بيتحرك فينا الفترة الاخيرة.. أصل مجرد ان الواحد يقول اللي جواه و يخرجه تعتبر خطوة في تغيير سياسة تكبير الدماغ اللي كنا عايشين فيها.. ودايماالخطوات الاولي الصغيرة بتجر غيرها أكبر منهامن غير مالواحد يحس
Post a Comment