What would I do if I am a PCO?

ممكن تتكلم مع عيان , وتعرف حالته , أو تكشف عليه وتعرف التشخيص , وبيتهيألك أنك عايش حالته , وحاسس باللى هو حاسه , وبيتهألك أنك عايش معاه مأساته

بس الموضوع مش زى ما أنت فاهم

أنت بترجع بيتك, أو حتى بتخرج من عنده , وأنت فاكر الحالة وبس , بس عمرك ما هتكون عايشها زيه

الإنسان لما بيمرض بيكون هو المرض بجد, بينسى أى شئ عنده ممكن يكون كويس أو سليم , ومبيفتكرش غير مرضه وبس . قد ايه ممكن ده يأثر عليه , ويأثر على نفسيته

عايز تعيش بجد و تتأثر بمرض حد ؛ حالتين بس: إما يكون حد قريب منك أوى هو العيان , أو تكون أنت صاحب المرض

هما دول الحالتين اللى ممكن بجد ساعتها تعرف العيان بيحس بإيه , وقت ما تتحول من دكتور

لــــــــــــــــــــــــــــعيان

أهو كثير؟

بيت صغير يضمنى و زوج محب

نرعى بعضنا البعض

نتعبد إلى الله بمودتنا بعضنا

هذا ما أرجو ... أهو كثير؟؟

................

وطفلين صغيرين؛

صبية جميلة، أرعى لها جمالها وعقلها

أنمى فيها انوثتها و شخصيتها

تكبر لتكون فتاة عاقلة متعبدة قوية

باهرة الرقة بهية الطلعة

وتكون لى ولأبيها في الكبر القلب الحنون

هذا ما أرجو ...أهو كثير؟؟

...............

و صبي وسيم حنون

أعلمه كيف يتقى الله فى أهله وبلده

كيف يكون رجلا لا ذكرا

يكبر ليرعانى وأبيه في شيخوختنا

ليكون ملجئا وملاذا لضعفنا

ويكون لأخته نعم السند في وهننا وغيبنا

هذا ما أرجو ... أهو كثير؟؟

...............

زوج محب

أرعاه وأعطه ما لم أعط أحدا

حبى الذى اختزنته بعمري

ذلك الحنان وتلك المودة اللذان دفنتهما بصدري

ذلك الشغف وتلك الغيرة اللذان أشعلتهما منذ الأجل

كل مشاعري المتناقضة

لــــــــــــــــــــــــــه

هذا ما أرجو ... أهو كثير؟؟

...............

زوج محب

يمنحنى الود والعطف

الحنان والحب

يكون معى وقت ضعفه قبل قوته

يترك الدنيا حين غضبه ليلجأ إلى فأنزعه عنه

يغادر الناس إلي وقت ضعفه

يرمى نفسه فى أحضانى و يبكى كطفل صغير وجد أمه

يحبنى في شيبتى وشيخوختى وعجزى أكثر مما أحبنى في صباى وشبابى

هذا ما أرجو ... أهو كثير؟؟

""""" حالة كذا....."""""

حالة كذا

هى دى الكلمة اللى بيقولها كل الدكاترة.

بيتحول المرضى عندهم لحالات , لأرقام سراير عليها أمراض بيعالجوها

حالة كذا.....سرير كذا

وبينسوا أنهم بيعالجوا البنى آدم من مرض مش بيعالجوا المرض

صحيح لسة بيتكلموا وبيشرحوا للطلبة أخلاقيات المهنة واننا بنعالج المريض مش المرض, واننا لازم نتعامل معاه كوحدة واحدة نفسيا وجسديا وانه مش بس عضو بنعالجه, ولازم تعرف اسم المريض وتقدم نفسك له وتستأذنه وكلام كتير منها كمان انه ميتحولش لحالة كذا أو سرير كذا

لكن في أول ما يحط ايده ع العيان ويبتدى يوريهم التطبيق العملى فعليا بينسى كل اللى بيقوله وبيقع فى نفس الأخطاء اللى بيحاسب الطلبة عليها واللي كلن بيعلمهم يتجنبوها

لسة قدام الطب في مصر كتير أوى علشان يكون طب محترم بيعالج بنى آدميين

قالها ومضى..........

قال كلمته ومضى

لم ينظر فى عينى ليرى

لم ير وقع كلماته علي

كيف ذبحتنى كلماته وحطمت آمالى

كيف أدمت قلبى وهدمت أحلامي

................

لم ينظر لير

قال كلمته مسرعا واستدار

كيف هكذا يقوى على الفرار

قال كلمته ولم ينظر في عيني لير

وتركنى ومضى

تتساقط أحلامى واحدا تلو الآخر

أتعثر في خطواتى ولا أقوى على الفرار

من القدر أم من نفسي أفر

الدنيا كانت تدور أمام عينى

والاختناق يعصف بعنقي كاعصار

والحياة تتحول أمامى إلى قرار سحيق مظلم

....................

قال كلمته و مضى

لم ينظر في عينى لير

كيف طعننى فيما ظننت أننى املك

كيف دمرنى وسلمنى دون رحمة لليأس

أرى الدنيا تسير من حولى

وقد توقفت بي فى نقطة

لا إلى الأمام أسير ولا إلى الخلف

لا أمل أن أعود كما كنت

ولا أمل في التقدم إلى الامام

...............

سأظل أسيرة تلك الثغرة من الزمان

يوم أن عرفت

يوم أن قال كلمته ومضى

كلمته التى مضت في روحي مضي السيف

كلمته التى قتلتنى دون خوف

...............

ليتنى لم أسأله

وليتنى ما عرفت

والآن عرفت علامات أحلامى

وعرفت تفسير أيامى

وليتنى ما عرفت

ليت الوقت يعود بي

فلا أسأله

ليت الزمان يرجع

فلا اعرف

وليته صمت وقال

لا أعرف

...............

ليته نظر في عينى وقال

رحماك

ليته استدار وقال

كفاك

ليته لم يقل شيئا

على الإطلاق

ليتنى لم أسأله

وليته لم يقل

وليتنى ما عرفت

شباب احنا.............

هل فعلا احنا شباب تافه؟

ولا احنا بس شباب تايه؟

هل معدش لينا هدف؟

ولا بس احنا معدش عندنا أمل؟

هل فقدنا روحنا وحماسنا؟

ولا اليأس اتملك مننا؟؟

ساعات لما بافكر بألاقينى بأفكر في حاجات ناس بتقول عليها هيافة

بأفكر زي غيري في الممثلين والمغنيين,, في الأغانى والأفلام ,, في ماتشات الكورة و ستار أكاديمي.

وساعات تانية بيروح فكرى على التعليم وإزاى يكون أحسن , وأقعد أحط خطط وأنظمة أصلح بيها طريقة التعليم بالذات في كليتى

أو أفكر في كلام يتقال للدكاترة عندنا علشان يقتنعوا اننا بنى آدميين مش حيوانات غبية

وساعات بأفكر في السياسة وايه اللى ممكن يحصل لو الشباب دخلوا الحياة السياسية بجد-فيه مننا شباب ليهم آراء ممكن تصلح بجد

وساعتها بأفكر طيب ليه انا مش مشتركة فى أى حزب أو جماعة سياسية او فكرية

وأرد على نفسي وأقول البهدلة اللى بيشوفها كل اصحاب الآراء في مصر كفاية انها تردنى

والمشكلة الحقيقية في البهدلة اللى هأسببها لأهلى

يمكن ساعات الواحد بيحس ان حياته أرخص من انه يحافظ عليها , بس اهله أهم من كل آراء الدنيا

مش عارفة أنا صح واحنا عموما صح ولا غلط

بس يا ريت كل اللي يدخل المدونة يقول رأيه , يقول هو بيفكر إزاى , وإزاى شايف الشباب حواليه , وهو بيفكر إزاى؟؟؟

خلينا نعمل الموضوع ده حوار نتلاقى فيه

ساعات بأكون مخنوقة أوى نفسي أقعد بعيد عن كل الناس

أكلم نفسي , أحاورها , هي فاهمانى أكتر , هى حاسة بي أكتر

وساعات بأحس انى عاوزة أتوه ف الزحمة

عايزة أدخل وسط الناس ومحدش منهم يعرفنى ولا انا اعرف حد

ف الزحمة أنسى كل حاجة , أنسى حتى أحلامى أفكاري

ف الزحمة اللى بأتمنهاها ساعات بأبقى عايزة أنسي كل اللى اتعلمته وعرفته وفكرته وحلمته

بأبقى عايزة أمشي زى الطفل المولود اللى لسه بيشوف ويتعلم لأول مرة ف حياته

ف الزحمة ساعات بأتمنى أتوه

صدام ..........و عيد الأضحى

احتفلنا كلنا بعيد الأضحى

ورغم الامتحانات وان معظم الطلبة كانوا حاسين بتأنيب الضمير

وماما أمريكا قررت كمان أنها تحتفل معانا

وقررت أن الأضحية تكون بنى آدم

كلنا عارفين قصدي على مين

ماما أمريكا قررت كدة فجأة أنها تنفذ حكم الإعدام ف صدام حسين أول يوم العيد

وللاستهزاء بمشاعرنا وبينا أكتر , كان لازم يكون الصبح بدري واحنا بنصلى العيد أو خارجين من الصلاة رايحين ندبح الأضاحى بتاعتنا

طبعا ما هى ماما أمريكا لازم تحسسنا أنها مشاركانا وجدانيا

أنا مش فارقة معايا اعدامه بس ف حالة واحدة لو كان الراجل ده خد محاكمة عادلة تحت حكم عراقي عادل

وده محصلش ولا بيحصل حتى في الدول العربية الغير محتلة

والمشكلة الأكبر أن فيه غيره كتير يستاهلوا نفس المصير _الإعدام يعنى_